Водич за користење на Интернет сервисите на Сонет

I. ОПШТИ ИНФОРМАЦИИ

Вашето првично корисничко име и лозинка ги бирате на on-line апликацијата. Вашата e-mail адреса ја креирате со кликнување на "нова адреса" на првата страна.

НАПОМЕНА:

1. Препорачуваме почетно дефинираниот "initial password" да се промени.
2. Добиеното корисничко име (username) не мора да кореспондира со E-mail адресата. Вашата адреса може да биде: korisnickoime@sonet.com.mk, каде korisnickoime го определувате сами.
( подетални податоци во поглавје III )

Проверка на потрошеното време, промена на password и нови информации за евентуалните промени на сервисот можете да добиете на овие веб страни. Во случај да сакате да го проверите потрошеното време, на главното мени кликнете на "потрошено време", поставeте го курсорот во полето за внесување и напишете го вашето корисничко име - username. По притиснувањето на Enter ќе добиете извештај за искористеното време.

E-mail адреса можете сами да отворите на: http://www.sonet.com.mk/openmail.htm
(потребните податоци се наоѓаат во поглавјето III како и на горенаведениот линк )

Дополнителни Е-mail адреси може да отворите на: http://freemail.com.mk 


Уплатените часови важат во следните три месеци почнувајќи од денот на уплатата. Неискористените часови неможат да се префрлат во следното тромесечие. Информации за почетокот и крајот на тромесечието може да се добијат со проверка на потрошеното време.

Корисниците самостојно ги покриваат трошоците направени со dial-up интернет пристапот преку нивната телефонска линија, и тоа според тековните тарифи определени од страна на Македонски Телекомуникации.

локална тарифа: 
- од 6 до 18 часот 20 импулси/час или 10 денари/час
- од 18 до 6 часот 10 импулси/час или 5 денари/час
меѓуградска тарифа:
- од 6 до 18 часот 120 импулси/час или 60 денари/час
- од 18 до 6 часот 60 импулси/час или 30 денари/час

Телефонските броеви за пристап се :

Град	позивен	тел. бр.	тип
Скопје	02	3100120	ISDN/Analog V.90
Скопје	02	3093939	ISDN/Analog V.90

Техничка поддршка (8-16h) :
E-mail: support@sonet.com.mk 
тел: 02 3072 375 факс: 02 3072 757

II. УПАТСТВО ЗА ИНСТАЛАЦИЈА НА ИНТЕРНЕТ ПРИСТАП ЗА WINDOWS 95/98

Инсталирањето на интернет пристап за Windows 95 е во 3 чекори.

1. инсталирање на Dial-Up Adapter
2. инсталирање на TCP/IP протокол
3. подесување на Dial-Up Networking

*за WINDOWS 98 првите 2 чекора се прескокнуваат

1. Инсталирање на Dial-Up Адаптер 

Отворете го Control Panel преку Start/Settings/Control Panel преку
менито. Кликнете двапати на Add/Remove Programs

Во прозорот Add/Remove Program Properties кликнете на Windows Setup. Во листата на програми кликнете еднаш на Communications, па потоа на Details.

Во прозорот Communications што ќе се појави, означете го Dial-Up Networking (доколку истото веќе не е сторено) , и потоа кликнете на ОК.
Windows setup програмот ќе ги ископира потребните компоненти, притоа барајќи ги од истото место од каде сте ги инсталирале (ако сте инсталирале од ЦД, ке побара од вас да го вметнете ЦД-то, или дискети во случај инсталацијата да била од дискети.

Притоа, ако инсталацијата на Windows се наоѓа на друго место, можете да ја наведете патеката до тој директориум) Windows ке побара да го ресетирате компјутерот за да се прифатат промените. Кликнете на ОК.

2. Инсталирање на TCP/IP протокол

Отворете го повторно Control Panel и кликнете двапати на Network иконата.

Во Network прозорот кликнете на Add.

Во Select Network Component Type кликнете на Protocol па на Add.

Во Select Network Protocol прозорот кликнете на Microsoft на левата листа, и потоа на TCP/IP на десната, па на ОК.

Windows ќе ги ископира потребните компоненти
Во случај да на вашиот компјутер повеќекратно е инсталиран TCP/IP протоколот, постои можност од појава на проблеми при воспоставување на интернет врската. Во тој случај потребно е едната инстанца да се конфигурира на гореопишаниот начин а останатите да се избришат (со нивно селектирање и кликнување на копчето Remove)

3. Подесување на Dial-Up Networking

Отворете го My Computer и кликнете двапати на Dial-Up Networking.

Во прозорот што ќе се отвори кликнете двапати на Make New Connection.

Во полето име на конекција напишете SONET и кликнете на Configure.

Одберете Connection и исклучете ја опцијата Wait for dialtone ..... како што е покажано на сликата а потоа кликнете на OK и NEXT на претходниот прозорец.

Полето Area code оставете го празно, во полето Telephone Number на пишете го бројот: 3090909 или 3100120. Ако не се наоѓате во Скопје може да искористите било кој од наведените броеви, со тоа што пред нив наведете го позивниот број на градот (02,3093939). Во полето Country code изберете FYROM.
Кликнете на Next, па на Finish. Со овие 5 чекори во Dial Up Networking прозорот се појавува нова икона со име SONET.

Кликнете со десното копче од глушецот на иконата и од менито одберете Properties.
Се појавува прозор со својствата (Properties) на SONET конекцијата.

Полето Use country and area code не треба да биде означено! Кликнете на Server Type.

Полето Type of Dial Up Server треба да содржи “ PPP: Windows 95, Windows NT, Internet".  * Кај Win98 Server type е посебен tab во горниот дел од прозорецот Само опциите: Enable software compression во Advanced options и TCP/IP во Allowed network protocols треба да бидат означени .  Кликнете на TCP/IP Settings.

Во TCP/IP Settings кликнете на Server Assigned IP addresses и на Server assigned name server addresses. Исто така треба да биде означено Use IP header compression и Use default gateway on remote network. Кликнете на ОК на прозорите TCP/IP Settings и Server Types, и затворете го прозорот со Properties на OSIMNet.

Со ова се завршени подесувањата на Dial-Up Networking .  Конекцијата се воспоставува со двојно кликнување на иконата SONET. Пополнете ги полињата Username и Password. Со кликнување на Connect се воспоставува конекцијата. Откако врската ќе биде воспоставена, можете да ги користите Pegasus Mail, Netscape или било кој друг клиент софтвер.

 

III. УПАТСТВО ЗА КОРИСТЕЊЕ НА MAIL СЕРВЕРОТ mail.sonet.com.mk

http://mail.sonet.com.mk е Е-mail сервер предвиден за dial-up корисниците на SONET, кој овозможува користење на електронска пошта преку web browser или E-mail програми кои користат POP3/SMTP протокол (Pegasus, Eudora, Outlook Express и сл.).

1. Креирање на нова e-mail адреса

· Секој корисник има право на само една E-mail адреса.

· За да се отвори нова сопствена E-mail адреса, потребно е прво со web browser - от да се отиде на адресата: www.sonet.com.mk и да се кликне на нова адреса.

· Во полињата Name и Surename се внесуваат името и презимето на корисникот. Во полињата Username и Password се внесуваат dial-up корисничкото име (username) и соодветната лозинка (password) кои ги користите за воспоставување на Интернет врската. Во следното поле се внесува од вас предложеното E-mail корисничкото име, кое може да биде исто како и претходното. Ова име ја определува вашата E-mail адреса која ќе гласи: xyz@sonet.com.mk
Корисничкото име и шифрата мора да содржат најмалку 3 а најмногу 15 карактери (a-z,A-Z) и броеви (0-9), без празно место или специјални карактери (+-# и сл.). E-mail лозинката се внесува два пати, еднаш во полето Mail Password и уште еднаш во Confirm Mail Password. При внесувањето шифрата нема да се покаже а наместо неа ќе се појавуваат “*”. 
E-Mail лозинката мора да биде различна од dial-up лозинката.

По внесувањето на податоците треба да се кликне на копчето Create.
Доколку регистрацијата е успешна следната страна ќе ве поздрави со пораката: 

E-mail корисничкото име xyz@sonet.com.mk е успешно отворено.

Во спротивно ќе добиете порака за настанатата грешка.

2. Користење на E-mail сервисот

Користењето на Е-mail сервисот може да се врши на два начина:
а) со web browser на адреса http://mail.sonet.com.mk
б) со клиент програма за E-mail која ги користи POP3 и SMTP протоколите

Пристап со web browser
· Окога со browser-от ќе се отиде на адресата http://mail.sonet.com.mk потребно е да се внесе корисничкото име (UserID) и шифрата (password) во соодветните полиња и потоа да се кликне на Logon.

· Следната страна содржи мени:

Во табелата стојат информации за поштенското сандаче, колкава е зафатеноста и колку пораки има во него .
Change Password - за промена на лозинката
Change User Information - за промена на корисничките информации
Change Finger Information - за сега не се користи
Change Mail Forwarding Information - за автоматско препраќање на пристигнатите пораки на друга E-mail адреса
Change Vacation Message - порака што се враќа на испраќачот за време на вашето отсуство
Change Processing Rules - правила за филтрирање на пораките
Modify Address book - работа со вашиот адресар
Manage Mailboxes - организирање на mail фолдерите
Auto Response - опција за автоматски одговор на примените пораки
Preferences - разни опции за изгледот на корисничкиот интерфејс
Change Signature - Промена на потписот кој автоматски се става на крајот од секоја порака која ја праќате
Копчето Logoff служи за крај на работа
Копчето Read Mail служи за читање на пристигнатата пошта

Копчето Compose води кон друга страница која служи за составување на нова порака:


во To: полето се внесува адресата на примачот.
CC: полето е за оние кои треба да добијат копија од пораката.
Subject: полето е за предмет или краток опис на пораката.


Во полето под subject се пишува самата порака.
Ако сакате со пораката да прикачите и некој фајл, треба во дното од екранот да кликнете на Browse , да го одберете фајлот, а потоа да кликнете на attach.
Кога ќе завршите со пишувањето, пораката се праќа со кликнување на копчето Send.


Работа со фолдери

За подобро организирање и чување на вашите пораки, овој E-mail сервис нуди опција за работа со фолдери кои можете по ваш избор да ги креирате и во нив да ги сместувате прочитаните пораки. Со кликнување на линкот Manage Mailboxes во Options се доаѓа на страница која ги нуди опциите:
Create a Mailbox за креирање на нов фолдер
Rename a Mailbox за промена на името на некој фолдер
Delete a Mailbox за бришење на фолдер
Кај последните две опции листата на расположливите фолдери се наоѓа на десниот крај


* Browser -от кој се користи треба да подржува Javascript


Пристап со клиент програма за E-mail

Програмата за E-mail треба да се конфигурира со следните параметри:

SMTP: Сервер за испраќање на пораки (Outgoing mail SMTP) mail.sonet.com.mk
POP3: Сервер за примање на пораки (Incoming mail POP3) mail.sonet.com.mk
Кориснички информации 
Login name ( или username) : внесете го вашето корисничко име
Password: Внесете ја вашата лозинка